توابل الثوم مع الدجاج الشهيه

المقادير
1. دجاجتين او دجاجه حسب الرغبه او العدد.. 2. راسين ثوم مهروسين بملح 3. زيت زيتون 4. وجميع بهارات الطبخ ( فلفل احمر, فلفل اسمر , فلفل ابيض, كمون..ملح , كاري , بابريكا , الخ ...) 5. زعتر ناشف ان وجد.. 6. عرقين مراميه حسب الرغبه , 7. 3 حبات ليمون وقرن فلفل حار 8. فليفله لتزين حسب الرغبه 9. بقدونس


بتقطعي الدجاج..وبتنظفيه وبتغسليه ..بعدين بتجيبي كل البهارات وبتحطيهم على الدجاج..وبتخليه لمده 30 دقيقه .. متبل فيه ..بعدين بتحاولي ترشي مي على الدجاجات بعد مضي 30 دقيقه عشان الخلطه تخف شوي وبتكبي المي الزايده منهم ..
بعدين بتجيبي كيس نايلون ..كبير..وبتحكي 5 معالق زيت زيتون كبار .. وبتحطي فيه راسين الثومه المهروسين ..وبعدين بتقسمي قرن الفلفل اقسام صغيره جوا الكيس وبتعصري حبتين ليمون جوا الكيس..ووبتحطي الدجاجات فيه ..وبتسكريه وبتخضيه لمده 10 ل 20 دقيقه حتى يتجانس الثوم والليمون والفلفل الحار بالدجاج

بعدين بتكوني محميه الفرن .شوي....وبعدها بتجيبي اكياس حراريه ..خاصه بالفرن ..وبتحطي فيهم شويه طحين عشان ما يلزق الدجاج فيه ..بتوزعيهم بالاكياس حسب الكميه وبتحطي الخلطه معهم اذا بقى مها بالكيس وبتسكري الاكياس بالخيط الخاص فيهم ..وبتجيبي ابره ..بتحاولي انك تخزقي الأكياس شوي عشان يعطي نفس الهم ...وبتحطيهم بصنيه وبتحطي بالصنيه مقدار كاسين مي ...وبتحطه بالفرن وبتخليه مده ساعه او ساعه ونص حسب حراره الفرن..وبتصيري طلي عليهم كل شوي لحد ما يتحمرو....وبتزيدي المي جوا الصنيه كل شوي عشان ما تنشف
بس يتحمرو..بتفتحي الاكياس وبطولي الدجاج...بتحطي بالصحن وبتكوني مفرمه بقدونس وليمون وفليفله.وبتزنيهم..

وصحه والف هنا ..

طرح رائع واستثنائي يالغلا

بانتظار جديدك بشوق

تحياتي

اكل يشهي والله..
شكرا" عالطرح