عيد الأم من دون أم...

حصرية أخرى لم اكن اريد نشرها بصراحة ولكن اليوم راودتني دمعات آلام امي فانكب قلمي محاولا" الكتابة، بعدها قررت نشر قصيدتي هذه:

يا امي هالدني بدونك حزينة
بلاكي شو بتسوى جاوبيني

عيد الام جايي بعد مدّة
وانا من دون ام بهالمدينة

كنت كل سنة إكتبلك بردّة
قصيدي من تنهيدي، وتسمعيني

لكن هالسنة، خطوات يدّي
سبقتيها برحيلك يا حزينة

رحتي وخسرت فيك المودّة
كنتي عالمحبة تعلميني

خسرت الورد والعطر المندّي
على شفافك لما تبوسيني

خسرت عيون عم بتقول بدّي
لما شوفك وتشوفيني

صدرك تفرشي مثل المخدّة
وبلهفات الحنايا تغمريني

مبارح لما تخطّيت حدّي
على نعشك بصرخاتي وأنيني

ندهتك ليش ما كنتي تردّي
ولا وعيتي على صوتي وحنيني

صرخت بالموت صار الموت ضدّي
غلبني، وغرقت خشاب السفينة

اعذريني لو زرعتك ورد ودّي
فيك شم عطر الياسمينة

اعذريني لو خيالك ضل حدّي
حتى غنجك وتغنجيني

رضاكي صار بدّي القول جدّي
بحقك ما غلطت مرّة بحياتي

وإاذا غلطان يا امي...سامحيني

اتمنى تنال اعجابكم ... تحياتي

قصيده مميزة تحمل معاني الوفاء للوالدة
اسأل الله لها الرحمة والجنة
ولك كل الشكر اخي بحر الامل
ننتظر ابداعاتك بشوق ^_^

هلا بالغالية أماني

نورتي متصفحي

تحياتي

كتبت فأبدعت



شكرا جزيلا لك اخي الكريم

شكرا" عالمرور الجميل

نورتي متصفحي

تحياتي

شكرا" عالدعوات الغالية

نورتي متصفحي