أطباق تشرفك أمام ضيوفك..بالصور

السلام عليكم ورحمة الله وبركاته...

و انا ادور في قوقل لقيت كم طبق بصراحة شكلهم رائع جدا

ونقلت لكم الموضوع:

Red Velvet Butterflies


[url=http://www.dohaup.com/up/2009-07-15/dohaup_660208312.jpg][/url]


شكولاته الشوفان



[url=http://www.dohaup.com/up/2009-07-15/dohaup_73884265.jpg][/url]






بقلاوة البينت بتر


[url=http://www.dohaup.com/up/2009-07-15/dohaup_623808765.jpg][/url]


كوفي كب كيك


[url=http://www.dohaup.com/up/2009-07-15/dohaup_110742032.jpg][/url]

حلا الكاسات


[url=http://www.dohaup.com/up/2009-07-15/dohaup_1108504583.jpg][/url]




مكعبات التوست


[url=http://www.dohaup.com/up/2009-07-15/dohaup_1459673799.jpg][/url]



كب كيك التشيز المالح




=================

و الآن الطريقة:

1

كيكة المخمل الحمراء
نجي للمقادير - بالاكواب المعياريه -
:: ك/كوب .. م ك/ملعقة طعام .. م ش/ملعقة شاي

أولا : 1 ونصف ك سكر ../.. اصبع زبده لين ../.. بيضتين
ثانيا : 2 وثلث ك دقيق ../.. 1 م ش بيكنج باودر ../..1 م ش بيكنج صودا ../.. نصف م ش ملح
ثالثا : 1 ك بتر ميلك * ../.. 1 م ش خل ../.. 1 م ش فانيليا ../.. 1 ونصف م ك ملون طعام أحمر

*بتر ميلك : اذا ماكان متوفر عندك - وهذا الغالب - تقدرين تعملينه بإنك تخلطين كوب حليب مع م ك خل وتتركينهم ربع ساعه مغطيين برا وبس ..

الطريقه :: اخلطي السكر والزبده بالعجانه او الخلاط اليدوي حتى يمتزجون تماما
بعد كذا اضيفي البيض بالتدريج مع الحرص على كشط الاطراف حتى يمتزج الخليط زين
المقادير اللي بثانيا انخليها سوا ، واللي بثالثا اخلطيهم مع بعض ..
بعدين اضيفيهم بالتناوب على اللي بالعجانه مع الانتباه الى انك تختمين الاضافه بالمواد الجافه
ولا تبالغين بالخلط مجرد مايمتزجون وقفي حتى مايصير الكيك مطاطي شوي









وزعيهم في قوالب الكب كيك ودخليهم الفرن بتاخذ حول الثلث الساعه او اكثر شوي






بعد ماتطلعينهم اتركيهم يبردون برا بعدين طلعيهم من قوالبهم وقصي راسهم <==



اخفقي كريمة خفق لحد ماتثقل واضيفي عليها شوي سكر بودره وبقمع التزيين حطيها بوسط الكب كيك
قصي راس الكب كيك بالنصف ورجعيهم بشكل مقلوب فوق الكيك حتى تصير مثل اجنحة الفراشه .. وقدميه بالهناء والعافيه







2
شكـولاتـه الشـوفـان

المقادير :: 1 ونصف كوب شوفان - كويكر - ../.. 1 وربع كوب جوز هند ../.. ربع كوب حليب بودره
تحمس مع بعض لغاية ماتشقر ..






وبعدين اضيفي عليهم :
ربع كوب سكر بودره ../.. علبة قشطة ../.. نصف اصبع زبده مذوب
اعجنيهم سوا زين .. وبعدين خذي شوي من الخليط وباستخدام يدك واي شي مسطح عندك
حاول تسوين قالب مستطيل
بالصوره واضح وش اقصد ، وبسكين حاد قطعيهم مكعبات متساويه وحطيهم على ورق زبده ودخليهم الثلاجه او الفريزر لغاية ماتجمد .











الحين ذوبي اي شكولاته خام عندك بحمام مائي ..
واعتقد حفظتوا طريقتي من كثر ما ارددها بالمجلس واللي هي شكولاته خام غامقه مع شوي جالكسي
وغطسي المكعبات فيهم ..






ولما تجمد ذوبي شكولاته بيضاء وسوي فيها خطوط فوق المكعبات
ورتبيهم بصينيتك وقدميهم









هالحلا تقدرين تعملينه براحه قبل مناسبتك بيوم ماراح يتغير
وممكن قبل ماتحطين عليه الشكولاته تفرزنينه لأسابيع ومتى مابغيتيه طلعيه قبل بشوي وكملي الخطوات نفسها ..
احيانا لما ابي الحلا لي انا واختي اطلعه واجيب نوتيلا واقعد اغمس واكل

يتبع...

بقـلاوة البيـنت بـتـر
حلى لذيييييييييذ وطعمه نفس طعم الحلا المغربي اللي طاحوا فيه
ومن الحلايات اللي تتفرزن بالراااااحه

المقادير :: 3 ونصف ك دقيق ../.. 2 اصبع زبده لين ../.. ربع كوب زيت ../.. ثلثين كوب ماء
تعجنينهم سوا ، بس ترى هالمقدار مره كبير ، اللي بتشوفونه بالصور انا مسويه نصف المقدار و طلع كميه محترمه

بعد ماتنعجن افرديها وقطعيها دوائر -ماتحتاج تخمير -
ادهني جهه من الدوائر بالبينت بتر ويفضل الخشن ولفيها رول واقفليها من الطرفين مثل الصوره

وصفيهم بصينيه ودخليهم الفرن بس خليك عندهم تراها ماتاخذ وقت ابد

من تشوفينها حمرت من تحت حمريها من فوق ..
وأول ماتطلعينها وهي حاره صبي عليها شيره تكون خفيفه وخليهم شوي بالصينيه حتى يشربون الشيره
لانه بتلاحظين ان الشيره على طول بتنزل تحت ماراح تشربها من فوق
لما تترطب من تحت اقلبيهم وخليهم بالصينيه حتى تشرب شيره من الجهه الثانيه

بعدين رشيهم بفستق مطحون ورتبيهم بصحن التقديم ..
مقرررررررمشه ولذييييييييذه ... وبالعااااااااافيه عليكم

كـوفـي كـب كيـك


الطريقه الاصليه عباره عن كيك بصينيه عاديه وخلطه فوقه بس صرت اعمله بقوالب الكب كيك وازينه بالكريمه احلى

مقادير الكيك :: 4 بيضات ../.. 1 ونصف كوب سكر ../.. نصف كوب زيت ../.. 2 كوب دقيق ../.. 1 م ك بيكنج باودر ../.. 2 م ك نسكافيه ../.. كوب حليب
الطريقه :: نخلط البيض والسكر لغاية ماتثقل وتبيض بعدين نضيف الزيت وقت الخلط
نخلط المواد الجافه لحال ونضيفها بالتناوب مع الحليب على خليط البيض
نلبس قوالب الكب كيك بالورق ونحط عليه شوي من الخليط وندخلهم الفرن مثل الكيك العادي

بعد ماتطلع نتركها شوي تبرد ونجهز الخلطه اللي فوق
المقادير :: علبة قشطة ../.. 2 م ك نسكافيه ../.. 1 دريم ويب ../.. ثلثين اصبع زبده مذوب
نخلط هالمقادير سوا زين حتى تتجانس بعدين نضيف عليهم سكر بودره مقداره حسب الرغبه
يعني حطي سكر بودره وذوقي لغاية ماتوصلين درجه الحلا اللي تبين ، بس حطي براسك بتحتاجين اكثر من كوب من السكر وخليها حاليه افضل

جيبي الكيك بعد مايبرد وجيبي مصاص العصير وسوي فيه فتحات بالكيك حتى تدخل الخلطه جوا
وشربيهم بالخلطه وكلما طلعت الفتحات ارجعي عبيها وبعدين دخليهم الثلاجه يبردون زين

اخفقي شوي من كريمة الخفق ولما تثقل حطي عليها من خلطة النسكافيه وقلبي شوي شوي بالملعقه

وبقمع التزيين صلحي الكيك من فوق ورشي شوي نسكافيه وقدمي اطلق كب كيك بالدنيا

اذا بتصلحينها بصينيه عاديه لازم تكبرين حجم الصينيه لانه مقدار الكيك كبير
وأول ماتطلعينها من الفرن وهي حاره سوي فيها فتحات بالسكين وصبي عليها الخلطه وهي حاره حتى تتشربها الكيكه ...




حـلا الكـاسـات
الطبقه الأولى :: علبة بسكوت شاي مطحون ../.. علبة قشطه ../.. فنجان شاي ماء ../.. فنجان قهوه سكر بودره ../.. ظرف كريم كراميل
اخلطيهم سوا وحطيهم بالكاسات

الطبقه الثانيه :: 3 مارس ../.. 3 سنكرس
سخنيها شوي بالمايكروويف حتى يسهل خلطها
بعدين اخلطيها بالخلاط مع : علبة قشطه .. وصبي شوي فوق الطبقه الاولى

الطبقة الثالثه :: 6 حبات جبن كيري ../.. علبة نستله كبيره
تخلط بالخلاط وعالكاسات ودخليهم بالثلاجه لوقت التقديم

وتزين بالشكولاته المبشوره .. وبالعااااااااااااافيه