شرح دلخه لاعضاء النت لوق الجداد

لكل الاخوان الدلوخ الي زي حلاتي سجلوا بالنت لوق جديد ومايدرون وش سالفه ام الطبخه هذا شرح وحده دلخه الى اخوانها واخواتها الدلوخ
(( للي يفضلون يتصفحون النيت لوج في صفحات عربيه هذا الرابط لنتلوج العربي
http://ar.netlog.com/
--------------------------------------------------- --------------------------------------------------- --------------------------------------------------- ---
ثانيه بالنسبه للي صفحتهم باللغه الانجليزيه

اولا قبل كل شي عندكم قائمه فوق هي :
1- Explore =استكشاف
2- Manage=أدارة
3- Logs =سجلات
4- Messages =رسائل
5- Friends =أصدقاء
6- Settings=اعدادات
1- Explore =استكشاف
اولا الاستكشف اذا ضغطت عليه راح يطلع لك صور اعضاء من النت لوق وراح تشوف
Shouts= مسجات قصيره ترحيب من اعضاء النت لوق
ومن الممكن ترز وجهك معهم وذلك بان تضغط على كلمه الشوت الي بالمربع الاحمر وتختار لون لخشتك لتبين حالتك النفسيه ومن ثم تكتب رسالتك النصيه وبعدين اضغط شوت (بس لا تشوته بقوه ) مره ثانيه عشان يشوفها كافه اعضاء
ملاحظه .. مايكتب الا انجليزي
((المهم على صفحه الاستكشاف راح تلقى فيديو و سجلات وصور وغيره وغيره من اعضاء النت لوق الكبار ((شيوخ النت لوق
الي كان التصويت لهم عالي يعني 30 صوت وما فوق وبعدها ينرزون على الهوم بيج حقت النت لوج
تقدر تصوت من خلال النجوم الي بتحصلها جنب كل صوره
ولو جاك احد لبروفايلك ومع رابط وقالك صوت لي اعرف انه يبيك تعطيه نجوم
المهم هذي الكلمتين الي اعرفهم عن الاستكشاف

2- Manage=أدارة
بنسبه للاداره
ِِِِGuestbook=سجل الزوار
في سجل الزوار اي احد يخش بروفايلك يقدر يتواصل معك من الجست بوك واذا كان مهتم فيك بيعطيك سلام واذا ساحب على خشتك بتلقى كتيب لزوار ورقه بيضاء ناصعه واي تعليق مايعجيك تقدر تسويله دليت
- Pictures=صور
بتلقى عندها خيارين هم :
ِA- manage your pictures>>هنا تضبط صورتك الي حملتها من جهازك
*Details= هنا تقدر تكتب تعليق تحت الصوره الي حملتها + ممكن تخلي صورتك اكثر خصوصيه وما تعرضها الا للمضافين لقائمه الاصدقاء عندك وتقدر تمسحها من النت لوق او تعمل لها حفظ على الفايل وتخليها صورتك الشخصيه
*Thumbnail تقدر انك تغير حجمها الطبيعي زي مايسون بعض لاخوات السحليات
*Watermark ممكن تحط عليها علامه النتلوق عشان تضمن جودتها واصالتها وهيفاء وهبتها
B- upload a picture >> من هنا تقدر تحمل صور من جهازك
browse>> JPG, GIF , PNG اذا ضغطتها تطلع لك نافذه تسمح لك بتحميل اي صوره على جهازك من صيغه
- Clans=هذي مادري وش سالفه امها بس اتوقع انها جروبات من الاعضاء وشلل انت تقدر تكون عضو فيها الزبده لا تتشرط واجد احمد ربك انك لقيت احد يشرحلك انت ووجهك المهم ..
- Videos=الفيديو
نفس فكره تحميل الصور خيارين عندك هم
ِِA- manage your videos>>اداره الفيديوات الخاصه في سموكم
B- upload a video >>تحميل الفيديو
وتقدر تحمل من جهازك انت او من اليوتوب وذلك بنسخ رابط الفيديو حق اليوتوب الي انت تبيه بس لاتحط قله حياء ولا بعلم امك
- Events=مادري وش سالفه ذي بعد المهم لا تسوي ذكي مستعجل تبي تفهم كل شي درينا انك طالب مجتهد بس عاد لا تصدق نفسك
- Music=موسيقى
Netlog Music Tool تقدر تكون فان لاحد الفنانين (فان يعني معجب موب كلينكس يعني لا تمسح نفسك باحد وتوهقنا) او تحمل من النت لوق
- Polls=استطلاعات الرأي
من خلاله تقدر تطرح سؤال وتكتب مجموعه الخيارات وتشوف ردود زوارك عليه
4- Messages =رسائل
هاهنا تصل لديك البرايفت مسج من الاعضاء وغيرهم ومن خلاله ترد عليهم او تحذف الرسائل اذا كنت من النوع اي يحب يسحب على الناس
5- Friends =أصدقاء
هنا تجيك طلبات من الزوار يبون اضافه مدري وش عاجبهم فيك المهم عاد يبون اضافتك عشان يصيرون في قائمه اصدقائك (تكفين على المعلومه يعني يبي اضافه ليه) لا بس اوي يعنني فاهمه المهم احمدو ربكم اني اشرحلكم مع وجيهكم
((وش ذه الشرح الي ثلاثه ارباعه سب))
المهم ماتبي تفهم انقلع >>>امزح

6- Settings=اعدادات

- Privacy =لضمان خصوصيتك اذا ضغطت عليه يطلع لك مجموعه خيارات وهي :-
a- Findability>> من خلاله تقدر تقرر اذا تبي بروفايلك ينعرض بنتائج البحث او المستكشف
b-Profile access>> من خلاله تقرر اذا ماتبي احد يشوف بروفايلك غير اخويائك( تكفى من زينه بروفايلك) المهم
او انك تخليه للعامه كل من هب ودب او فقط لاعضاء المسجلين بنتلوق
وممكن تحدد الي ماتبيهم يخشون عندك
c- Communication>>الاتصال او التواصل (مدري) المهم
حقتك shoutsتقدر من خلاله تقرر من الي يرسلك برايفت مسج او يدردش معك او يعرض كومنت او تعليقه او تقيمه ومين الي يقدر يشوف

Approve comments>>من خلاله تقرر اذا تعليقات الزوار على بروفايلك تنشر على طول او لازم تسوي لها انت موافقه الاول
اواذا تحب انك تنشر حقت اصدقائك مباشره والزوارهم الي بعد موافقتك ( ليه العنصريه ياخي) المهم
d- Logs >> هنا تقرر اذا تسمح لتعليقاتك تطلع في سجلات اصدقائك او لاء
بنسبه لمجموعه الخيرات المرصوصه على يمين البروفايل :-preview >> من خلاله تشوف بروفايلك مثل مايشوفونه الزوار بظبط
Add as a friend >>تقدر من خلاله ترسل دعوه لصديق انت متواجد ببروفايله واذا تحب ترسله مسج
Launch chat >> لدردشه عبر النت لوق
Send private message >> لارسال الرسائل الخاصه للاعضاء المضافين عندك او غيرهم
Sign guestbook>> لتوقيع في كتاب الزوار الخاص بالاعضاء وغيرهم
Share >> لتبادل الصور وغيرها
Add to blacklist>> هنا تعمل بلوك للمزعجين وبعدها مايقدرون يدخلون بروفايلك (تبي اعطيك وحده عشان نجرب ؟ ) المهم
Report abuse>>هنا تبلغ عن اي نوع من الاسائه هلا والله بسرطه دقوا سلام
__________________________________________________- _____________________________________
***ملاحظه*** :
" header" اغلب الي سئلوني يسؤلون عن الصور الي تكون موجوده اعلى البروفايل اوفي رأسه الي اسمه

1- Manage => روحو المنج بتلقونها فوق
2- Skin => apply this skin اضغطو على المربع الي تحت سكين وفيه اكس احمر((لان مااخترتوا صوره عليه اكس)) او اظغطو
3- header=> بتلقون 3 خيارات على اليسار " الاول مختص بالوان البروفايل والثاني بشكل الخط واخرها الي هو الهيدر ومقدمه البروفايل
4- all pictures=> بتلقون كل الصور الي حمتوها على بروفايل من قبل اختارو الي يعجبكم ولكم 10 صورا كحد اقصى وطبعا كل صوره تختارونها تقدرون تغيرون شكلها وحجمها ولونها
وهذي طريقه ثانيه اذا ماعرفتوا
Manage =>choose another skin =>header=>all pictures

__________________________________________________- _____________________________________

واخيرا احب اذكركم اني حاولت اشرح على قدي بس ادري ان الاعضاء الجدد ممكن يفيدهم شرحي انشاءالله

.... ودم دم دم دمتم سالمين
ملاحظه/ اي احد عنده سؤال خل يسال لايستحي حتى لو كان سؤاله غبي عادي كلنا اغبياء